Junan – Një 69-vjeçar që kishte 17 vite që ishte arratisur nga burgu u kap më në fund nga policia kineze, të cilët e gjetën shpellën ku fshihej nëpërmjet dronëve.
Song Jiang, një trafikant qeniesh njerëzore, kishte 17 vite që fshihej në malet e provincës Junan.
Ai ishte dënuar për trafikim grash dhe fëmijësh, por u arratis nga burgu në vitin 2002.
Policia nisi ta kërkojë sërish në fillim të shtatorit, kur morën një informacion se ku mund të gjendej.
Pasi personeli në terren dështoi ta gjente, policët u detyruan të përdornin dronë.
Pesë orë kërkime çuan më në fund drejt zbulimit të vendit ku fshihej, një shpellë mes maleve.
