Mbrojtësi i kombëtares së Shqipërisë, Marash Kumbulla është duke kaluar formë të jashtëzakonshme në këtë edicion me klubin e Hellas Veronas.
Paraqitjet e tij të mira me klubin e Veronas janë vërejtur edhe nga klubet më të mëdha evropiane.
Goal.com raporton se skuadra e Juventusit ka shprehur interesim për shërbimet e mbrojtësit shqiptar.
Kumbulla ka luajtur nëntë herë me Veronan këtë edicion dhe gjithashtu ka marrë ftesë nga kombëtarja e Shqipërisë dhe kjo e ka mahnitur edhe drejtorin e Juventusit, Paratici.
Sidoqoftë, Bianconerët nuk kanë mungesë opsionesh në qendrën e mbrojtjes, pasi merkaton e kaluar invenstuan në Matthijs de Ligt dhe Merih Demiral dhe kanë opsion edhe Giorgio Chiellini, Leonardo Bonucci dhe Daniele Rugani.
