Policia e Shtetit ka marrë masat për kapsollat dhe fishekzjarrët që shiten për tu hedhur në festat e fundvitit.
Ata kanë bërë sekuestrime në qytetin e Tiranës dhe Vlorës, ku kontrolluan 447 subjekte duke përfshirë dyqane, markete, supermarket dhe tregje të shumicës.
Gjatë kontrollit në Tiranë, sekuestruan 95 fishekzjarrë dhe 160 kapsolla.
Ndërsa në Vlorë janë sekuestruar 40 kapsolla me fuqi të lartë shpërthyese. Si pasojë, pronari i një dyqani është ndëshkuar me masë administrative nga zjarrfikësit.
Materialet e tjera i kanë kaluar prokurorive për veprime të mëtejshme. Policia ka bërë apel për të gjithë tregtarët e shumicës dhe pakicës që të mos tregojnë kapsollat dhe fishekzjarrët se do të përballen me ligjin.
Policia e Shtetit ftoi qytetarët që të denoncojnë në numrin 112 dhe Komisariatin Dixhital çdo rast të shitjes dhe përdorimit të fishekzjarrëve, duke u garantuar reagim të shpejtë, të paanshëm dhe anonimat të sigurt.
