Në vijim të Operacioni Forca e Ligjit, dy personave me rekorde të theksuar kriminale iu është dërguar formulari për të provuar ligjshmërinë e pasurisë së tyre.
Zëdhënësja e OFL, Eljes Breca u shfaq në komunikim për mediat, teksa në sfond shiheshin makinat luksoze të sekuestruar në kuadër të aksionit për goditjen e pasurive të krijuara me të ardhura nga aktiviteti kriminal.
Kërkesa për vetëdeklarim të pasurisë, iu dërgua A. L., me banim Tiranë, i dënuar në Itali për “Vrasje në rrethana cilësuese”.
Gjithashtu iu kërkua që të provojë pasurinë edhe E. D., me banim Tiranë, i dënuar për “Shkatërrim të pronës me zjarr”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së, të cilat do t’i dërgohen SPAK-ut, për veprime të mëtejshme.
OFL bën me dije se formularët e plotësuar nga personat që u është kërkuar vetëdeklarimi janë dorëzuar në SPAK, sipas përcaktimit në Aktin Normativ nr. 1, të datës 31 janar 2020
