Kombëtarja shqiptare ka dy ndeshje në muajin qershor, sa i përket kualifikueseve të Europianit. Më veçanërisht do të jetë ajo transfertë e parë ndaj Islandës, që konsiderohet edhe më e vështira, pasi ndaj Moldavisë duket gjithçka e lehtë në letër.
Në konferencën për shtyp, së bashku me Mërgim Mavrajn, ishte edhe Emir Lenjani. Futbollisti i Sionit është shprehur edhe në lidhje me letrën kur bojkotoi Kombëtaren, përsa kohë të ishte trajneri Panuçi. Një vendim i drejtë i këtij lojtari, karshi nënvlerësimit që i bëri ish-tekniku italian i Kombëtares.
“Panuçi nuk mund të bëhet më shumë shqiptar se mua, që kam që në fëmijëri. Nuk dua të flas më shumë për letrën time, por më ka ardhur shumë inat. Kam luajtur shumë ndeshje dhe nuk isha në grumbullim. Nuk kisha se çfarë të thoja në atë moment.
Më pëlqen shumë të luajë si mbrojtës dhe mesfushor i majtë, megjithatë është në dorën e trajnerit. Me ekipin e Sionit kam qënë në fushë edhe si sulmues. Ndeshja me Islandën do të jetë vendimtare, le të shohim njëherë këtë përballje, pastaj Moldavinë. E rëndësishme është t’i gëzojmë të gjithë shqiptarët në botë”, ka thënë Lenjani.