Një 64-vjeçare ka ndërruar jetë në spitalin infektiv e konfirmuar me koronavirus, duke shënuar kështu viktimën e 32 në vendin tonë. Lajmi është bërë i ditur nga Ministria e Shëndetsisë, e cila sqaron në njoftimin për mediat se 64-vjeçarja e cila vuante nga limfoma e trurit.
Viktima ishte e shtruar prej javësh në spital, në gjendje të rëndë.
Njoftimi i Ministrisë së Shëndetsisë:
Mbrëmjen e sotme ka ndërruar jetë në spitalin Infektiv një paciente 64-vjeçare nga Tirana, e konfirmuar me COVID-19, e cila ishte e shtruar prej 3 javësh në spital, në gjendje të rëndë.
64-vjeçarja që vuante prej 4 muajsh nga limfoma e trurit, nuk arriti dot të mbijetonte, pavarësisht mjekimit intensiv dhe përpjekjeve të stafit mjekësor.
64-vjeçarja është viktima e 32 e prekur nga COVID-19 në Shqipëri.
Ministria e Shëndetësisë i shpreh ngushëllimet familjes së të ndjerës dhe apelon edhe një herë qytetarët të respektojnë rregullat e distancimit social, për të mbrojtur veten dhe të tjerët.
