Burime nga policia bëjnë me dije se dy persona kanë rënë në prangat e policisë së Beratit, pasi akuzohen për plagosjen e një personi.
Të arrestuarit janë shtetasit me iniciale F.T, 29 vjeç dhe M.Xh, 22 vjeç, të dy banues në lagjen “30 Vjetori” në Berat.
Për motive të dobëta, kanë goditur me send të mprehtë shtetasin B.Z, 37 vjeç, banues në Berat.
Bëhet me dije se i plagosuri ka marrë ndihmë mjekësore në Spitalin Rajonal Berat dhe mësohet se ndodhet jashtë rrezikut për jetën.
