Një përplasje ka ndodhur në orët e para të mbrëmjes në aksin Elbasan-Peqin. Ngjarja u regjistrua në afërsi të fshatit Paulesh. Një automjet tip Benz me targë AA 764 JY u përplas me një Range Rover me targë AA 775 YU
Përplasja ka qenë mjaft e fortë aq sa Benzi është shkatërruar pothuaj krejtësisht në pjesën e përparme. Në vendin e ngjarjes shkuan, zjarrfikëset dhe autoambulancat që transportuan të plagosurit për në spital.
Gjithashtu policia ka normalizuar trafikun dhe ka kryer veprimet proceduriale. Grupi hetimor po punon për zbardhjen e rrethanave të këtij aksidenti. Paraprakisht mendohet se benzi ka kaluar në rrugën në kahun e kundërt dhe është përplasur me Range Roverin.
