Burime bëjnë me dije se në qytetin e Vlorës para pak minutave ka ndodhur një përplasje midis policisë dhe dy personave të shpallur në kërkim.
Bëhet me dije se gjatë operacionit të policisë për kapjen e tyre, ka patur edhe të shtëna me armë zjarri, por fatmirësisht deri më tani nuk raportohet për të lënduar.
Njëri nga personat është ndaluar ndërkohë që tjetri është në kërkim, ndërkohë policia ende nuk ka dalë me një deklaratë zyrtare për ngjarjen.
Bëhet me dije se gjatë këtij operacioni në lagjen “10 Korriku” të qytetit të Vlorës, policia ka sekuestruar edhe një pistoletë.
Personat e ndjekur janë futur me makinë drejt zonës periferike të qytetit, sipër Spitalit Psiliatrik të Vlorës. Automjeti me të cilin janë larguar ka qenë me targa italiane te cilin pasi janë larguar nga qyteti e kanë braktisur. Mësohet se personat në fjalë janë futur në një banesë perivate për tu fshehur, pronarja e të cilës i ka kundërshtuar po nga rezistenca e tyre ata klanë arritur të futen brend.
Ndërkohë iformacionet që janë mundur të merren nga Policia e Vlorës janë shumë të vogla pasi ajo është treguar shumë hermetike në dhënien e tyre. Nuk bëhet me dije se për çfarë janë shpallur në kërkim këta persona, por gjatë operacionit për arrestimin e tyre banorët kanë konfirmuar se ka patur të shtëna midis tyre dhe policisë. Ndërkohë policia ende po vijon oporacionin për kapjen e njërit prej të shpallurve në kërkim.
