Në ambientet e sallës së Këshillit Bashkiak Kuçovë prej dy ditësh po zhvillohet trajnimi në kuadër të projektit për rritjen e kapaciteteve të Këshillave Vendorë.
Ky trajnim organizohet prej projektit të SDC/Helvetas dhe Bashki të Forta dhe ka si synim njohjen më nga afër të këshilltarëve me legjislacionin, organizimin dhe funksioninim e qeverisjes vendore.
Kryetari i Bashkisë, Kreshnik Hajdari theksoi se bashkëpunimi i Këshillit Bashkiak dhe institucionit të Bashkisë Kuçovë është shumë i nevojshëm për ofrimin e një shërbimi sa më cilësor për qytetarët.
Ky trajnim përfshin edhe tema rreth rolit të Këshillit Bashkiak në raport me institucionin e Bashkisë për ta bërë këtë një rol efikas dhe produktiv. /a.sh/j.p/Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.
