Një zjarr i madh ka përfshirë një tokë afër disa bizneseve në unazën veriore te qytetit të Korçës, në afërsi të kryqëzimit të fshatit Dishnicë.
Zjarri ka shkaktuar panik te banorët e zonës, të cilët të alarmuar kanë njoftuar policinë. Ngjarja ka ndodhur në afërsi të disa bizneseve, kryesisht biznese që riparojnë makinat, por edhe në afërsi të një karburanti të braktisur.
Edhe në fshatin Erind në njësinë Administrative Lunxhëri në Gjirokastër kanë rënë sërish zjarr mbrëmjen e sotme. Flakët e zjarrit po intensifikohen mbi fshatin Erind drejt malit Çajup. Menjëherë forcat zjarrfikëse të Gjirokastrës kanë shkuar në vendngjarje.
Ndërkohë që vendi është përshirë nga temperaturat e larta dhe nga zjarret e shumta, në Pogradec janë lëshuar erërat e forta. Ditën e sotme qyteti është përfshirë nga erëra të forta që kanë shkulur edhe pemë në zonën pranë Liqenit.
