Ambasada Amerikane në Tiranë këshillon që të bëhet kujdes kur udhëtoni me vizë turistike për të Shtetet e Bashkuara të Amerikës.
“Kur udhëtoni me vizën turistike, oficeri në pikën e hyrjes vendos se sa kohë mund të qëndroni në Shtetet e Bashkuara. Pasi oficeri ju lejon të hyni në SH.B.A., ata vendosin një vulë në pasaportën tuaj me datën që ju kërkohet të largoheni nga Shtetet e Bashkuara. Sigurohuni që të largoheni përpara asaj dite!” shkruhet në njoftimin e ambasadës.
