Kapitenit të Anglisë, Harry Kane i është vjedhur Range Roveri para derës së shtëpisë në Londër.
Hajdutët përdorën një pajisje elektronike për të hapur makinën 100 mijë euroshe të sulmuesit të Tottenhamit në Chingford, para se të arratiseshin me të, raporton gazeta The Sun, transmeton portali
Policia Metropolitane tha se ka pranuar raportimin për vjedhjen e një automjeti jashtë një prone të banimit në zonën e Chingford më 25 tetor.
“Oficerët kontaktuan viktimën dhe nisën hetimet. Asnjë i dyshuar nuk është identifikuar”, thuhet në deklaratën e forcave policore.
Policia tha se hetimet janë mbyllur, duke shtuar: “Nëse shfaqen mundësi hetuese apo dëshmi kjo do të rishikohet”.
Kane, 27, thuhet se ka thirrur policinë dhe ka kapur CCTV që tregon një makinë që kalon motorin luksoz disa herë.
Burime pranë Kane, në pritje të fëmijës së tij të tretë me gruan Kate Goodland, 27, i thanë The Sun, që policia paralajmëroi se makina e vjedhur nuk ka gjasa të rikuperohet.
Ai është lojtari i tretë i Spurs që është në shënjestër të kriminelëve në muajt e fundit.
Jan Vertonghen, 33 vjeç dhe familja e tij u plaçkitën nën kërcënimin e thikës në mars. Në maj, Dele Alli, 24, u grushtua në gojë dhe u mbajt nën kërcënimin e thikës në një sulm në shtëpinë e tij në veri të Londrës.
