Përjashtohet Kamza, rivalët fitojnë sfidat 3-0 në tavolinë
Rregullorja flet qartë, nëse një skuadër përjashtohet nga gara kur janë zhviluar më tepër se gjysma e sezonit , të gjitha sfidat e mbetura shkojnë 3-0 në tavolinë për skuadrat e tjera.
Kjo vlen dhe për rastin e Kamzës, që pak orë më parë u ndëshkua me rrezimin në dy kategori më poshtë nga Komisioni i Disiplinës në FSHF për shkak të dhunës ndaj gjyqtarit Eldorian Hamiti.
Në 12 ndeshjet e mbetura per tu luajtur, të gjitha ekipet në kampionat do të përfitojnë një fitore 3-0, ndërsa përjashtim bëjnë Luftëtari, Flamurtari e Skënderbeu, që kanë për të zhvilluar sfidat e kësaj faze me Kamën si dhe ato të fazës së fundit, ndaj do të përfitojnë 6 pikë, ndryshe nga skuadrat e tjera.
Kalendari do të vzhdojë të zbatohet siç është, nuk do të ketë asnjë ndryshim, ndërsa skuadrat që do të luajnë sfidën e tyre ndaj Kamzës, atë javë do të qëndrojnë pushim.
