Ditët e fundit temperaturat na kanë bërë të besojmë se pranvera tashmë ka mbërritur, por javën e ardhshme moti do të ndryshojë në të gjithë vendin.
“Meteoalb” parashikon se masat ajrore të rrethit polar do të depërtojnë prapë drejt Europës Qendrore, duke përfshirë edhe zonat juglindore.
Gjatë fundjavës së ardhshme pritet që temperaturat të ulen ndjeshëm dhe të ketë reshje shiu, pra dita e Verës pritet të mos sjellë kushte të favorshme të motit.
Do të dendësohen vransirat dhe nuk do të mungojë as dëbora në zonat malore.
