Gjatë vizitës së sotme në ambientet e Spitalit më të ri “Frederik Shiroka”, kryeministri i vendit Edi Rama u shpreh se “pas 90 vitesh në godinën e vjetër në QSUT, kirurgjia shqiptare ka një tempull të ri, ku gjithçka është fjala e fundit e teknologjisë dhe po ashtu organizimi në funksion të pacientit është në nivelin më të lartë bashkëkohor”.
Sipas kryeministrit spitali i ri “Frederik Shiroka” çon në një tjetër nivel shërbimet mjekësore në Shqipëri, kjo falë:
- 7 sallave moderne të operacionit për kirurgjinë e përgjithshme, kirurgjinë speciale dhe urologjinë
- Aparaturave mjekësore të teknologjisë së fundit
- Njësive të terapisë intensive me pajisje bashkëkohore dhe kushte optimale
- Laboratori të nivelit të lartë teknologjik, si dhe
- 120 shtretërve dhe dhomave me kushte si në spitalet më të mira të Europës për pacientët.
SCA
