Një aksident tragjik me pasojë vdekjen, ndodhi mbrëmjen e kaluar në fshatin Hot i Ri në Shkodër.
Burime të sigurta bëjnë me dije se viktima është identifikuar si Admir Buhaj, 30 vjec, banues në Postribë të Shkodrës.
Më parë u raportua se i riu ishte në drejtimin e një automjeti tip “Volkswagen”, por tashmë policia ka konfirmuar se i riu ka qenë nën drejtimin e një motorçiklete.
30 vjecari dyshohet se është goditur nga mjeti tip “Benz” me targa AA 222 TS.
Ndërkohë, pas aksidentit drejtuesi i mjetit është larguar nga vendi i ngjarjes dhe është shpallur në kërkim nga policia.
Ngjarja e rëndë ndodhi mbrëmjen e kaluar rreth orës 21:30, ku në vendngjarje mbërritën menjëherë shërbimet e Policisë dhe kryen veprimet me grupin hetimor për sqarimin e rrethanave të aksidentit.