Pas dëmeve të tërmetit, autoritetet shqiptare u bërë thirrje të gjitha vendeve të solidarizoheshin dhe të ofronin ndihmën e tyre për gjendjen e krijuar në vend.
Republika e Greqisë, duke iu përgjigjur menjëherë thirrjes, do të dërgojë ndihmë humanitare në Tiranë për përballimin e pasojave dhe lehtësimin e të dëmtuarve prej tërmeteve dhe përmbytjeve që goditën së fundmi Shqipërinë.
Ndihma humanitare greke përfshihet në kuadrin e Mekanizmit Europian të Mbrojtjes Civile, i cili koordinon përballimin kolektiv europian të fatkeqësive natyrore.
Nesër, në orën 09.45, do të mbërrijë në aeroportin e Rinasit, një avion transporti të Aviacionit Luftarak Grek, i cili sjell nga Greqia gjeneratorë, ushqime, ilace, tenda, krevate, batanije dhe materiale të tjera të nevojshme. /Shqiptarja.com
