Një aksident i rëndë ka ndodhur mesditën e sotme në aksin rrugor Gramsh-Cërrik, ku një automjet ka dalë nga rruga dhe ka përfunduar në liqenin e hidrocentralit të Banjës. Paraprakisht mësohet se nga aksidenti ka mbetur i vdekur një 50-vjeçar.
Ngjarja e rëndë ka ndodhur pranë fshatit Shushicë, zonë në të cilën liqeni ka një thellësi të madhe.
Deri tani nuk dihet ende se sa persona kanë qenë në automjet.
Dyshohet se makina kishte ndaluar në anë të rrugës, por në momentin e nisjes, nga pakujdesi ka përfunduar në liqen.
Njoftimin për policinë e kanë dhënë kalimtarët e rastit.
Forcat zjarrfikëse po punojnë për nxjerrjen e automjetit.
