“Festivali i Këngës” këtë vit solli edhe më shumë diskutime nga se u parashikua. Duke nisur nga aludimet paraprake për fituesen, e deri tek publikimi i votimeve zyrtare të jurisë, mund të thuhet me siguri se ky edicion ka qenë protagonisti i lajmeve kohët e fundit.
Duket se kanali ‘Fest 58’, në të cilin u publikuan të gjitha këngët konkurruese në festival, është fshirë nga YouTube. Arsyet janë ende të paditura, por mjafton një kërkim për të kuptuar se videot zyrtare nuk ekzistojnë më në rrjet. Këngët dhe performancat vazhdojnë të mbeten në platformë, por të shpërndara nga kanale të tjera që nuk kanë lidhje me festivalin.
Nuk dihet pse është ndermarrë ky veprim. Ndoshta, së shpejti do të ketë një prononcim nga ana e stafit të festivalit lidhur me një temë të tillë.
