Raportet mes Kryeministrit, Edi Ramës dhe ish-ministrit të Jashtëm, Ditmir Bushati pësuan një krisje që në momentin që u vendos zëvendësimi i tij me Gent Cakajn.
Pas largimit nga kabineti qeveritar, Ditmir Bushati nuk ka kursyer kritikat për shefin e qeverisë, por edhe për drejtuesit e saj politike të PS-së.
Ditmir Bushati ishte i pranishëm sot në aktivitetin ku u prezantua nisma anti-KÇK dhe ku Rama duket se i ka rizgjatur ‘dorën e bashkëpunimit’.
Momenti nuk është parë në media për shkak se aktivitetet e Ramës tashme janë vetëm me regji qendrore, por fotografi i PS-së, Agim Rama ka fiksuar momentin e shtrëngimit të duarve, që nuk ndodhte në publik që prej ditës së shkarkimit.
Bushati ka kritikuar mjaft herë diplomacinë dhe veçanërisht nismat e maxhorancës.
Ndërkohë vetëm disa ditë më parë ai është shprehur publikisht se ishte i “lumtur” që Rama do e drejtonte vetë, kryesimin e Prezencës së OSBE-së dhe që këtë detyrë nuk ia kishte deleguar Gent Cakajt, ministri në detyrë për punët e Jashtme./ PANORAMA.al
