Në cilësinë e kryetarit të OSBE-së, kryeministri Edi Rama po zhvillon një vizitë në Ukrainë.
Gjatë vizitës në Ukrainë, Rama u takua me Presidentin e Ukrainës, Volodymyr Zelenskiy, me kryetarin e Parlamentit të Ukrainës, Dmytro Razumkov. Me Kryeministrin e Ukrainës, Oleksiy Honcharuk dhe Ministrin e Jashtëm, të Ukrainës, Vadym Prystaiko
Në një konferencë të përbashkët për shtyp me ministrin e Jashtëm të Ukrainës, Vadym Prystaiko, Rama foli për krizën në dhe rreth Ukrainës.1 nga 7
Rama tha se, “konflikti vazhdon të marrë jetën e qytetarëve të pafajshëm dhe kjo është e papranueshme dhe duhet të ndalojë, prandaj qëllimi ynë, së pari e mbi të gjitha është të garantojmë armëpushim të plotë e të qëndrueshëm”.
Rama shtoi se, “nuk është rastësi që vizita ime e parë zyrtare si President i OSBE-së është në Ukrainë dhe reflekton rëndësinë e madhe që i jap adresimit të krizës në dhe rreth Ukrainës”.
“Shpresoj shumë të mbajë koha e ta përfundojmë këtë vizitë me një udhëtim drejt Ukrainës Lindore, ku dua të shoh me sytë e mi situatën e sigurisë dhe atë humanitare në zonat e ndikuara nga konflikti dhe ndikimin praktik të SMM në terren”, shtoi Rama.
Rama siguroi edhe njëherë për vendosmërinë dhe përkushtimin e tij dhe të gjithë skuadrës së njerëzve të OSBE-së për të ndihmuar që të sjellim rezolutën e paqes në këtë konflikt dhe mundësisht të përmirësojmë jetën e personave të ndikuar brutalisht nga ky konflikt.
/gj.mima/
