Finale e parakohshme mund të quhet ajo e Shqipërisë në ditën e nesërme ndaj Turqisë. Një përballje ku kuqezinjtë duhet të dalin patjetër me tre pikët, për të mbajtur gjallë edhe ëndrrën e kualifikimit. “Sport Ekspres” raporton se një nga të veçantat që është kryer në stërvitjet e pasdites nga ana e Kombëtares në Turqi, ishin goditjet e shumta në portë.
Reja ka kërkuar nga lojtarët që të provojnë dhe rregullojnë sa më shumë shënjestrën përpara Turqisë. I ndërgjegjshëm se shanset do të jenë të pakëta dhe duhet të shfrytëzohen në maksimum, kjo është edhe pika që i kushtua më tepër vëmendje. Sa i përket formacionit të mundshëm, pritet e njëjta vendosje si edhe në fitoren e fundit ndaj Islandës. Ndryshimi i vetëm do të jetë se vendin e Hysajt do e marrë Odise Roshi.
Formacioni i mundshëm
Strakosha
Ismajli-Gjimshiti-Dërmaku
Roshii-Bare Gjasula-Memushaj-Lenjani
Manaj-Cikalleshi
