Trajneri Reja është duke vazhduar të përgatis skuadrën në Frankfurt të Gjermanisë, duke provuar skemat me të cilat do të kërkojë fitoren me Islandën. Me formacionin e mundshëm të kuqezinjve, vërtetohet fakti se tekniku italian do të debutojë me skemën fituese të Kontes, 3-5-2.
Ky nuk ishte thjeshtë një kurth për kundërshtarin, pasi hera e parë do të jetë pikërisht në këtë transfertë, për t’u zbatuar një mënyrë e tillë loje. Mihaj, Dërmaku dhe Ismajli priten të jenë qendrat e mbrojtjes, megjithëse ka pasur disa shqetësime së fundmi për mbrojtësin e Hajdukut të Splitit.
Basha dhe Xhaka dhuron gjithë qetësinë e duhur në mesfushë, ndërsa në krahë do të jenë Hysaj dhe Lenjani që do të shtyjnë përpara në aksionet sulmuese, por edhe do të bëjnë mbrojtjen me 5 në kundërsulmet e kundërshtarit. Kaçe do të jetë lojtari që pritet të organizojë lojën, ndërsa Sadiku dhe Uzuni gjenden në majën e sulmit. /Shqiperia.ch/
Berisha
Mihaj-Dërmaku-Ismajli
Hysaj-Xhaka-Basha-Lenjani
Kaçe
Sadiku-Uzuni
