Fiksimi për të bërë foton ose videon perfekte ndonjëherë i shtyn njerëzit drejt çmendurisë. Kështu ka ndodhur edhe me një vajzë e cila është ngjitur rreth 915 metra mbi një shkëmb vetëm që të postojë një video në rrjetet sociale.
Vajza emri i të cilës nuk është bërë i ditur ishte ulur në shkëmbinjtë e Pedra da Gávea në Rio De Janerio, Brazil dhe poshtë këmbëve të saj ishte e gjitha një humnerë. Personi që ka xhiruar videon e kthen kameran edhe poshtë ku duket qyteti që në fakt pallatet disa katëshe duken si “miza” të vogla. Videoja, e publikuar dje, ka pasur më shumë se 114.000 pëlqime edhe pse jo shumë njerëz menduan se ishte një ide e mirë.
