Tashmë personat që emigrojnë më së shumti janë gra dhe vajzat. Një studim i kryer së fundmi tregon se të rinjtë dhe sidomos vajzat shfaqin dëshirën për të emigruar, ndërkohë një ndikim të madh kanë dhe rrjetet sociale.
Nëse vite më parë ishin meshkujt ata që emigronin për një jetë më të mirë, vitet e fundit duket se kjo gjë ka ndryshuar, pasi janë vajzat dhe gratë ato që largohen më së shumti nga Shqipëria. Ky emigracion i shtuar i grave mund të konsistojë si një nga arsyet kryesore fenomenin e bashkimit familjar.
Denis Mema, një nga realizuesit e studimit tregon se 52.67% grave dhe vajzave shfaqin dëshirën për tu larguar nga Shqipëria. “Pjesmarrësit janë 1105 persona, pjesmarrja më e madhe i përket gjinisë femërore, gra dhe vajza me 52.6 % dhe 47.33% i përket gjinisë mashkullore. Ndërsa mosha që kryeson në këtë studim është mosha nga 25-35 vjec” tha ajo.
Ndërsa sociologu Zydi Dervishi propozon edhe çfarë duhet bërë për të shpëtuar nga ky fenomen. “Një një të ardhme jo shumë të largët Shqiptaria do të shpopullohet nga shqiptarët dhe duke qenë vend i mirë, shumë i pasur, me klimë të mrekullueshme, në një vend që nk i mungon asgjë, ky vend do të popullohet nga të tjerët, shqiptarët do të humbin atdheun e tyre” tha ai.
Studimi ka nxjerr dhe një tjetër fakt ndikues për arsyen e emigrimit të shumë personave. Të dhënat theksojnë se më shumë se gjysma e popullsisë, specifikisht 52.5% janë të joshur nga rrjetet sociale dhe postimet që bëhen aty, pasi mendojnë se përfaqësohet realiteti i jetuar
