Rrjetet sociale kanë një ndikim shumë të madh në ditët e sotme te njerëzit. Edhe personazhet e famshëm nuk i kanë shpëtuar “pushtimit” që rrjetet sociale kanë pasur vitet e fundit, madje disa prej tyre e kanë shndërruar në biznes.
Emra si Ronaldo, Ibrahimoviç, Lionel Messi, Neymar dhe Bale janë ndër futbollistët më të ndjekur në Instagram, me qindra miliona fansa. Si rrjedhojë, reklamat e mëdha i kanë në fokus këta futbollistë.
Janë publikuar dhe disa shifra të përafërta se sa para përfitojnë futbollistët për një postim të vetëm. Ronaldo përfiton 975 mijë dollarë dhe renditet si më i paguari, ndërsa Neymar 722 mijë. Messi në vend të tretë përfiton 648 mijë dollarë, ndërsa Ibrahimoviç e Bale nga 200 mijë dhe 218 mijë dollarë.
