Pas takimit me ambasadorët e huaj, kryeministri Rama ka hequr sërish kostumin dhe është nisur menjëherë drejt spitalit të Traumës në kryeqytet.
I shoqëruar nga ministrja Ogerta Manastirliu, kreu i ekzekutivit ka vizituar dy fëmijë, Aurelin dhe Alesion, të cilët kishin marrë lëndime nga tërmeti i datës 26 nëntor.
Fëmijëve Rama u kishte sjellë dy topa basketbolli.
Teksa bisedoi e beri batuta për disa minuta me to, kryeministri i këshilloi që të lënë telefonat e kompiuterat dhe të lexojnë sa më shumë libra.
Kryeministri u premtoi dy vogëlushëve, tifozë të Milanit dhe Juventusit, se do u sjellë respektivisht nga një bluze, njërën me firmën e portierit Donaruma dhe tjetrit me firmën e Cristiano Ronaldos.
Njëri prej fëmijëve i dhuroi Ramës një çokollatë të cilën e ruante prej ditësh.
Lendimi që kishte marrë njëri nga fëmijët kishte ardhur si pasojë e hedhjes nga kati i pestë. Rama iu drejtua atij duke i thënë se do e marrë në shtëpi e do e bëjë shok me Zahon. Ai i quajti femijet heronj.
Video:
