Nga numri total i personave të prekur me koronavirus në vendin tonë, vetëm 8 % janë duke u trajtuar në spital, ndërkohë që pjesa tjetër është nën kujdesin e mjekëve të familjes.
Ministria e Shëndetësisë bëri me dije sot se “Në spitalin infektiv aktualisht po trajtohen 21 të prekur, nga të cilët 5 janë në terapi intensive, njëri prej tyre është i intubuar”.
Ndërkohë që numri i të prekurve vijon të rritet, ka edhe lajme të mira, pasi sipas të dhënave të fundit të MSH, “në 24 orët e fundit janë shëruar 7 qytetarë, duke e çuar në 898 numrin e të shëruarve”.
