Me nisjen e valës së dytë të Covid, deputetët e Kuvendit të Shqipërisë duhej të ishin shembull për qytetarët sa i takon mbajtjes së maskës në fytyrë.
Por sipas fotove që vijnë nga ambientet jashtë Parlamentit, disa prej tyre kanë sfiduar publikisht policinë, pasi janë shfaqur pa maska, edhe pse ky është një detyrim ligjor.
Në seancën e sotme plenare, shumica prej tyre kanë respektuar këtë masë të detyrueshme, por ka edhe nga ata ‘rebelë’ si deputetja Elda Hoti, ministri Eduart Shalsi, si edhe deputeti Arben Elezi.
Disa të tjerë, edhe pse me maskë, vazhdojnë të mbajnë hundën jashtë. Ndërkohë, disa prej ligjvënësve të parlamentit shqiptar, janë prekur nga koronavirusi dhe të tjerë janë të izoluar apo në luftë për ta mposhtur atë.
