Aktori, Donald Veshaj dhe këngëtari, Elgit Doda kanë raporte tejet të ngushta bashkë, madje ata së bashku me Romeon, vëllain binjak të Donaldit kanë filluar të performojnë nëpër klube të natës.
Madje, aktorët kanë raport të njejtë edhe me partneren e këngëtarit, Klean.
Javën e kaluar, çifti ishte i ftuar në emisionin e vëllezërve Veshaj, ku zbuluan gjëra të reja rreth raporti të tyre.
Gjatë kohës, që Donaldi ishte në reality-shoë “Big Brother Albania VIP”, Elgiti dhe Klea ishin ndër përkrahësit më të mëdhenj të tij, teksa e mbështetnin edhe lidhjen e aktorit me këngëtaren kosovare, Beatrix Ramosaj.
Elgiti e kishte hequr nga lista e ndjekësve në rrjetin social “Instagram”, ish të dashurën e Donaldit, moderatoren, Bora Zemani dhe kishte filluar ta ndjek Beatrixën.
Pavarësisht, që këngëtarja dhe aktori pas mbarimit të këtij formati i dhanë fund lidhjes së tyre, Beatrixa ende ruan një raport të mirë me Klean dhe Elgitin, këtë e dëshmon edhe komenti që ajo i la Kleas në një fotografi të publikuar ditën e djeshme në ditëlindjen e të birit, Krid.
Beatrix e uroi publikisht duke i shkruar: “Gëzuar ditëlindjen, princit tënd të vogël. Uroj që t’i realizohen të gjitha dëshirat dhe ëndrrat. Na emocionoi të gjithëve.”
