Del në shitje karta e parë microSD në botë me kapacitet 1TB

Karta microSD me kapacitet prej 1 TB (terabajt) memorie zyrtarisht është në shitje për 449 dollarë dhe është karta me memorien më të madhe në botë që ka dalë në shitje. Kjo kartë mund të blihet nga dyqani online i SanDisk apo edhe Amazon në Spanjë, Gjermani ose Britani të Madhe.

Linja a kartave SD ka shpejtësi leximi prej 160MB/s dhe shkrimi prej 90MB/s. Megjithatë nëse jeni prej atyre që realizoni video 4K, më mirë do të ishte të shikoni për SanDisk Ultra ku transferimi i të dhënave duhet të jetë më i shpejtë.

Nëse keni planifikuar të blini një kartë të tillë duhet të mësoni nëse pajisja juaj është e përshtatshme për të. Të kesh kartën microSD me kapacitetin më të lartë duket diçka fantastike. Por nëse kjo nuk ka rëndësi për ju, mund të gjeni karta microSD 512GB me çmime prej 100 dollarësh në Amazon.