Ndërron jetë nga Covid 19 aktori dhe regjisori i njohur korçar Naum Tërova. Mësohet se artisti ka ndërruar jetë mbrëmjen e djeshme. Ai ishte i shtruar prej disa ditësh gjendje të rë.ndë në pavijonin e pneumologjisë pranë spitalit Korçë ku trajtohen personat me Covid. Ai është babai i nënkryetares së bashkisë Korçë, Benila Tërova.
Gjithashtu qendra e artit dhe kulturës në Korçë i ka dedikuar një shkrim Tërovës: Një ikje si e Naum Tërovës! Nuk është e lehte ikja e një personazhi të veçantë si Tërova! Nuk eshtë e lehtë ikja e artistit me kitarën e zërin ku bashkë me shpirtin i këndoi serenatat e qytetit të lindjes! Nuk është e lehtë ikja e regjisorit të shumë shfaqjeve për fëmijë, spektakleve, e shumë ngjarjeve artistike të cilave u fali kaq shumë dashuri e profesionalizëm!
Nuk është e lehtë ikja e aktorit të shumë karaktereve ku si një fëmijë kureshtar e si një kërkues i palodhur, gjeti personazhet për t’ja dhuruar publikut! Nuk është e lehtë ikja e një qytetari model, bashkeshorti e babai ideal! Nuk është e lehte ikja e një miku e njeriu të mirë! Lamtumirë Naum Tërova. Do të jetosh përherë me gjithçka le pas!
