Supermarketet në Kinë janë zbrazur pasi blerësit e frikësuar shkojnë për të blerë edhe rezerva, ndërsa coronavirusi vazhdon të përhapet në të gjithë rajonin.
Sipas mediave të huaja dhe postimeve në mediat sociale nga 24 orët e kaluara përshkruajnë rafte të zbrazëta.
“Gjërat po bëhen dëshpëruese”, ka shkruar përdoruesi i Twitter-it @ChinaMidnight.
Megjithëse disa restorante dhe shitës me pakicë janë mbyllur përkohësisht për të parandaluar përhapjen e virusit vdekjeprurës, Walmart i ka mbajtur të hapura të gjitha dyqanet kineze që nga shpërthimi, ka thënë një zëdhënës i Walmart për Business Insider.
Kompania aktualisht operon në 400 dyqane në Kinë nëpër 170 qytete, si dhe 19 qendra shpërndarjeje.
Zëdhënësi tha që kompania po bashkëpunon me zyrtarë lokalë dhe ekspertë të shëndetësisë për “ndjekjen nga afër” dhe monitorimin e situatës.
Sidoqoftë, bllokimet e transportit në vend mund të jenë duke parandaluar furnizuesit që të rivendosin shpejt dhe në mënyrë të efektshme produktet, sipas një burimi të afërt me çështjen.
