Përdorimi i cigareve elektronike shton rrezikun e atakut kardiak, infarktit apo sëmundjeve të zemrës. Sipas një studimi të ri, 1 në 20 persona të rritur në Shtetet e Bashkuara të Amerikës, përdorin cigaret elektrike dhe shumica prej tyre pretendon se ato janë më të shëndetshme se sa cigaret normale.
Studimi më i fundit i kryer nga Shoqata Amerikane e Zemrës, ka zbuluar se ataket kardiake janë afro 60 për qind më të pranishme tek ata që përdorin cigaret elektrike, që janë po ashtu 71 për qind më shumë të rrezikuar për infarkte.
Duhanpirja është shkaku numër një për kancerin në mushkëri, dhe avulli nga cigaret elektrike, deri më tani duken të sigurta për mushkëritë. Por, sipas këtij studimi të fundit, cigaret elektrike janë po aq të dëmshme për zemrën dhe sistemin kardiovaskular sa edhe cigaret tradicionale.
