Britanikët po e shijojnë dramën politike rreth Boris Johnson-it pasi u publikua lajmi se ai do të japë dorëheqjen si kryeministër i Mbretërisë së Bashkuar.
Johnson ka pasur dy ditë të trazuara me 59 deputetë dhe ministra që kanë dhënë dorëheqjen nga postet e tyre duke e detyruar edhe atë të largohet nga posti i tij.
Sekretari i Shëndetësisë, Sajid Javid dhe kancelari Rishi Sunak njoftuan dorëheqjet e tyre të martën mbrëma, duke shka ktuar largime nga më shumë anëtarë të rinj të qeverisë.
Mbrëmë, Michael Gove u shkarkua nga Johnson nga posti i Sekretarit të Shtetit për Strehimin pasi ai i bëri thirrje kryeministrit të jepte dorëheqjen.
Këtë mëngjes, Sekretari i Irlandës së Veriut, Brandon Lewis dhe sekretarja e Arsimit Michelle Donelan dhanë dorëheqjen nga postet e tyre. Ministri i Sigurisë Damian Hinds, ministri i pensioneve Guy Opperman, ministri i gjykatave James Cartlidge, sekretarja e thesarit Helen Whateley dhe ministri i shkencës George Freeman dhanë gjithashtu dorëheqjet e tyre.
Kancelari i sapovendosur Nadhim Zahaëi lëshoi një deklaratë të enjten në mëngjes duke i bërë thirrje kryeministrit të largohej, vetëm 36 orë pas marrjes së rolit, duke i thënë zotit Johnson: “Duhet të bëni gjënë e duhur dhe të shkoni tani”.
Tani që kohës së Boris Johnson po i vjen fundi, dhjetëra meme gazmore janë postuar nga qytetarët në Twitter:
