Shqipëria do të zbulojë sot kundërshtarët për fazën eliminatore të Botërorit 2022, teksa sot mbahet shorti në Zyrih.
Kuqezinjtë e drejtuar nga Edi Reja janë pozicionuar në vazon e katërt me Bosnje Hercegovinën, Slloveninë, Malin e Zi, Bullgarinë, Izraelin, Bjellorusinë, Gjeorgjinë dhe Luksemburgun.
Ekipet do ndahen në 5 grupe me 6 skuadra dhe 5 grupe të tjera me nga 5 ekipe. Ndeshjet eliminatore të Botërorit të 2022-shit nisin në muajin mars.
Këto janë të gjitha grupet:
Grupi A: Portugali, Serbi, Irlandë, Luksemburg, Azerbajxhan.
Grupi B: Spanjë, Suedi, Greqi, Gjeorgji, Kosovë.
Grupi C: Itali, Zvicër, Irlanda Veriore, Bullgari, Lituani.
Grupi D: Francë, Ukrainë, Finlandë, Bjellorusi, Kazakistan.
Grupi E: Belgjikë, Uells, Çeki, Bosnja Hercegovinë, Estoni.
Grupi F: Danimarkë, Austri, Skoci, Izraeli, Ishujt Farore, Moldavi.
Grupi G: Holandë, Turqi, Norvegji, Mali i Zi, Latvia, Gjilbratar.
Grupi H: Kroaci, Sllovaki, Rusi, Slloveni, Qipro, Malta.
Grupi I: Angli, Poloni, Hungari, Shqipëri, Andorra, San Marino.
Grupi J: Gjermani, Rumani, Islandë, Maqedoni e Veriut, Armeni, Liçenshtajn.
Ndërkohë, kujtojmë se ndeshja e para do zhvillohet me 24-25 mars 2021.
