Tre persona kanë mbetur të bllokuar brenda një pusi të cilin po e hapnin për vaditje.
Ngjarja është shënuar mëngjesin e sotëm në fshatin Dushnik të Beratit, ku raportohet për dy të vdekur.
Nga të dhënat paraprake, dyshohet se personat e bllokuar kanë hasur në një rrjedhë gazi, ku në thellësi kanë gjetur vdekjen Gentian Hoxha dhe Kamber Hoxha.
Mësohet se personi tjetër i bllokuar në pus është Neim Hoxha, i cili është nxjerrë me shenja jete nga thellësia, duke u nisur me urgjencë drejt spitalit.
Në vendin e ngjarjes ka mbërritur shërbimi zjarrfikës dhe policia, ndërkohë që vijojnë hetimet për zbardhjen e rrethanave të ngjarjes.
