Ashtu siç ishte paralajmëruar, kryeministri Edi Rama priti homologun kosovar, Avdullah Hoti në orën 11.15. Hoti mbërriti në Tiranë i shoqëruar nga delegacioni kosovar për të marrë pjesë në mbledhjen e përbashkët të qeverive.
Ceremonia pritëse u organizua në Bulevardin “Dëshmorët e Kombit.
Pasi u luajt himni kombëtar, Rama dhe Hoti u futën në ambientet e Kryeministrisë. Slogani i këtij takimi është: “Bashkë pa kufi në një rajon pa kufij”.
