Pas Frenkie De Jong Barcelona raportohet të ketë siguruar edhe shërbimet e futbollistit tjetër të talentuar të Ajax-it, Matias de Ligt. Për zyrtarizimin e marrëveshjes për momentin pengesë është bërë agjenti Mino Raiolo, por që së shpejti pritet të zgjidhet.
“Këto do jenë ndeshjet e fundiit të Matias De Ligt me Ajax-in. Mendoj se do të shkojë në Angli ose Spanjë.”- Këto ishin fjalët e shefit ekzekutiv të Ajaksit, Edwin van der Sar, pas eliminimit të holandezëve që kanë marrë shumë kuptim ditën e sotme. Mediat së Spanjë kanë shkruar se qendërmbrojtësi dhe klubi Ajax-it kanë arritur marrëveshjen me Barcelonën për transferimin e tij në “Camp Nou”.
Kështu 19-vjeçari që mahniti Europën këtë sezon në “Champions League” me shumë gjasa do t’i bashkohet në katalaonjë shokut të skuadrës Frenkie De Jong, por për momentin ka vetëm një problem. Ai është agjenti i famshëm Mino Raiola, i cili ka bllokuar transferimin pasi kërkon 20% të shumës së shitjes së kartonit të futbollistit.
Sipas ‘Marca-s’, Raiolo në të gjithë marrëveshjet e tjera të mbyllura ka përfituar 5-10%, por këtë herë synon më shumë, një shifër e cila shkon në 12 mln paund. Mbetet për t’u parë se si do të mbyllet çështja, por hipoteza më e mundshme është që Barcelona të paguaj pjesën tjetër të parave për agjentin italo-holandez.
