Duhen raste të tilla ,si përdhunimi dhe shantazhimi i një minorene (15 vjeçare) ,që njerëzit të shkruajnë dhe të japin mesazhe që lidhen me fenomene të ndyra dhe “bashkëpunime “ midis një të moshuari dhe 3 adoleshentëve!
Çfarë po ndodh me njerëzit që duhet të etiketohen si kafshë, pa shpirt,pa moral dhe me një mendje të ndrydhur nga bastarditeti.
Duhet të rritet jehona e zërit prej të gjithëve për t’u treguar vendin edhe prindërve që nuk marrin dot përsipër edukimin e fëmijëve,sepse nuk e kanë në plan të parë !
Shikoni dhe dëgjoni se çfarë po bëhet në mesin e këtyre monstrave, ku shumë të tillë mund të jenë pranë nesh duke kryer veprime nën skrupuj të mungesës së trurit që tashmë nuk funksionon si duhet.
Si ka mundësi o njerëz të dashur ,qofshit femra apo meshkuj ,që keni shumë kohë që merreni me një teatër (do shembet apo jo) , si ka mundësi që ju prek më shumë politika se sa një minorene që përdhunohet,si ka mundësi që merreni se sa kushton një veshje e X-es apo Y-es dhe nuk vendosni fokusimin tek çështje që na prekin pak nga pak të gjithëve .
Nesër mund të jetë një e afërme apo një shoqe juaj, dhe atëherë do t’a kuptoni që është tepër vonē .
Keni gjithë këtë periudhë që flisni dhe shkruani për një adoleshent që sipas jush u dhunua nga policia , dhe për pëdhunime heshtni të gjithë .
Po media çfarë roli po luan tani?!
Ku janë psikologet që dalin çdo ditë dhe flasin për tema më të lehta se kjo që ndodhi?!
Ku jeni futur o njerëz tē dashur që “shisni “ moral dhe jepni mend se do hapen rrugët apo jo ?!
Stop me praninë tuaj në studio televizive,por shkruani qoftë edhe një rresht për fenomene të tilla ,sepse po bëhen shumë të shpeshta.
Ndërgjegjësim për prindërit që të kuptojnë se çfarë do të thotë të edukosh një fëmijë ,kushtojini më shumë kohë dhe mos i lini pas dore,pasi po kthehen adoleshentë në monstra, me një fjalor të pisët që në moshë fare të vogël .
Mendoni dhe reflektoni sot ,që nesër të jeni më të sigurt !