Kryeministri Edi Rama vlerësoi sot uniformat blu, që krahas kontributit të jashtëzakonshëm në frontin e luftës me armikun e padukshëm, vijojnë betejën me krimin.
Kryeministri ndau pamje nga operacioni i djeshëm i Policisë së Shtetit, e cila u hodhi prangat organizatorëve të grabitjes në aeroportin e Rinasit qershorin e kaluar dhe u konfiskoi 130 mijë euro si edhe tre armë zjarri.
“Respekt për uniformat blu që krahas kontributit të jashtëzakonshëm në frontin e luftës me armikun e padukshëm, vijojnë betejën me llumin e kësaj dynjaje”, tha Rama.
