Mesa duket Apple nuk po “ngopet” me eksplorimin e inteligjencës artificiale. Gjigandi i teknologjisë ka blerë një kompani jo shumë të njohur të inteligjencës artificiale për 200 milionë dollarë.
Sipas GeekWire, kompania është një startup i quajtur Xnor.ai, i cili është i specializuar në mjete të inteligjencës artificiale. Edhe pse Xnor.ai, tanimë I përket Apple, krijimin ja “ka borxh” Microsoft-it.
Kjo për shkak se është një nga startup-et e inkubatorit AI2, I financuar nga Instituti i Inteligjencës Artificiale të bashkëpunëtorit të Microsoft, Paul Allen. Në fakt, nuk është ende e qartë se si do të përdoren produktet e Xnor.ai nga Apple, por mendohet se do të specializohen në softuerët e njohjes së imazheve.
Blerja e Xnor.ai nga ana e Apple është një pasqyrim i tendencave të fundit, ku kompanitë e vogla të inteligjencës artificiale po “rekrutohen” nga kompanitë e mëdha, për t’i zhvilluar më tej.
Vetëm një muaj më parë, Spectral Edge, një kompani britanike për inteligjencën Artificiale arriti të përmirësonte në mënyrë drastike cilësinë e fotove të iPhone-it, nëpërmjet shkrirjes së teknologjisë së imazhit me përdorimin e makinerive.
Në maj, CEO i Apple, Tim Xook tha që gjigandi i teknologjisë, mesatarisht çdo dy deri në tre herë në javë është në kërkim të talenteve dhe pronësisë intelektuale, kur planifikon të bëjë blerje.
Burimi: Business Insider
Përshtati: SCAN