Westerdam nuk ka leje për të arritur në Tajlandë, Japoni, Tajvan, Filipine dhe Guam, megjithëse kompania që operon ka thënë që nuk ka të infektuar në bord, gjë që vihet në dyshim nga autoritetet e atyre vendeve. Karantina mund të zgjasë deri më 19 shkurt dhe qeveria e tajlandeze tashmë ka ofruar karburant dhe ushqim për të.
Autoritetet tajlandeze kanë njoftuar të martën se nuk do të lejojnë anijen që të futet në port me rreth 2,000 njerëz për shkak të rrezikut të ndonjë prej udhëtarëve që mbajnë coronavirus, dhe Tajlanda është bërë vendi i pestë që i mohon asaj portin, e cila duhet të mbetet në det gjatë karantinës, transmeton Telegrafi.
“Tashmë kam porositur që ajo të mos lejohet të futet në port”, tha Ministri i Shëndetësisë Anutin Charnvirakul.
Kreu i Departamentit të Kontrollit të Sëmundjeve, Suwanchai Wattanayingcharoenchai, dhe madje edhe Kryeministri i Tajlandës, Prayuth Chano-cha, konfirmuan masën, duke siguruan që ata janë të përgatitur për të furnizuar anijen me ujë dhe ushqim ndërsa karantina vazhdon në det.
“Ne jemi duke punuar në mënyrë aktive për këtë çështje dhe do të komunikojmë çdo informacion të ri kur të kemi mundësi. Ne e dimë se kjo është konfuze për klientët tanë dhe familjet e tyre dhe ne e vlerësojmë shumë durimin e tyre”, tha Westerdam të martën në llogarinë e saj në Twitter.
Anija, në të cilën udhëtojnë 1,455 pasagjerë dhe 802 anëtarë të ekuipazhit, filloi udhëtimin e tyre në 16 janar pasi u largua nga Singapori, dhe më 1 shkurt u largua nga porti i Hong Kong-ut.
