Sali Doçi, lindur në Bytyç, Tropojë, me 11 Prill 1945. Saliu arriti të hynte në auditorët e shkollës së lartë të arteve Instituti I Lartë I Arteve (ILA) dega Aktor, në degën e dramaturgjisë, në vitin 1967, nga ku talenti i tij u spikat nga profesorët dhe koleget e tij.
Pasi mbaroj shkollën e lartë me rezultate shumë të mira, u emërua Regjisor, pranë Pallatit të Kulturës “Dardania” në qytetin Bajram Curri , ku punoi dhe krijoi berthamen e pare të një estrade shumë të suksesshme . Ai do ishte i pari intelektual i diplomuar në këtë degë. Sali Doçi punoi me pasion e ndërgjegjje të lartë në lartësimin e veprimtarive kulturore dhe artistike në rrethin e Tropojës, e veçanarisht të artit dramatik.
Me dhjetra janë skeçet, dramat e komeditë me autor vendas e të huaj që i ka vënë në skenë me trupën amatore të shtëpisë së Kulturës, në zona, në ndërmarrje ekonomike, institucione dhe në Pallatin e Kulturës. Madje me dhjetra janë edhe spektaklet koncertale që kanë për regjisor Sali Doçin.
Festivalet kombëtare dhe ato ndërkombëtare dhe veprimtaritë teatrore e koncertale që Tropoja ka qenë pjesëmarrëse, si dhe vlerësimet e trofetë e marruna në këto aktivitete, është edhe mundi dhe profesionalizmi i Sali Doçit.
Për aftësi profesionale të Saliut si aktor e regjisor, Teatri Kombëtar e ka kërkuar më shumë se një here, por do ishte “hija” në biografi që e ndiqte pas që nuk e mundësoi këtë, ashtu sikurse ajo nuk e la të dale jashtë shtetit në Festivalin Ballkanik të Ohrit as në atë spektakël që vetë e kishte përgatitur.
Kështu me kalimin e kohës, Saliu u poq, u formua dhe uafirmua si artist. Madje ai po afirmohej edhe në artin kinematografik duke u aktivizuar dhe luajtur në role të rëndësishme si në filmat “Rrugë të bardha” dhe “ Shëmbja e idhujve”. Por pikërisht kur po ngjiste i sigurt shkallët e hirarkisë në artin skenik e atë kinematografik, e pllakos sëmundja e pashërueshme e që me 7 shkurt të vitit 1995 u nda nga jeta. U nda nga shokët, nga familja dhe skena që i dha gjithçka nga dija e tij prej artisti.
Sali Doçi u karakterizua nga thjeshtësia; nga dashuria për shokët; nga aftësi profesionale; nga thellësia e mendimit dhe shpirtit krijues e interpretues; nga pasioni për profesionin; nga komunikimi i natyrshëm me skenën dhe me amatorët, prandaj edhe e deshi dhe e respektoi Tropoja, dhe u interesua vazhdimisht për shëndetin e tij, si dhe e percolli masivisht me shumë dhimbje për në banesen e fundit. Këshilli Popullor i rrethit e kanë nderuar duke e shpallur “Qytetar nderi” të Bajram Currit”.
Aktori dhe regjisori i mirënjohur Sali Doçi, do mbetet i paharruar për të gjithë.
Material u pergatit ekskluzivisht për faqen e Aktoreve Shqiptare nga Xhane Imeraj, shkeputur nga libri “ Tropoja- djep kulture” , te autorit Selim Matoshi.
Ndalohet rreptësisht ripublikimi i këtij shkrimi, sipas nenit 80, ligji 35/2016
