Një aksident ka ndodhur mbrëmjen e sotme në fshatin “Andon Poçi” në Gjirokastër.
Mësohet se një automjet tip “Ford” ka rënë nga ura që gjendet në hyrje të fshatit. Në makinë dyshohet se ndodheshin dy persona, njëri prej të cilëve është identifikuar si Burim Ruko.
Menjëherë në vendngjarje kanë mbërritur forcat zjarrfikëse dhe policia të cilët po asistojnë në nxjerrjen e automjetit nga poshtë urës. Paraprakisht mendohet që drejtuesi i mjetit ka humbur kontrollin e makinës. /Ora News
