Një 37-vjeçar ka mbetur i plagosur pasi ra nga një lartësi prej rreth 100 metrash bashkë me makinën e tij. Ngjarja ndodhi pasditen e sotme në aksin rrugor Çorovodë-Prishtë, teksa automjeti ra nga Ura e Blëzeckës.
Gazetarja Eneida Petova ka siguruar dhe pamjet nga vendi i aksidentit dhe gjatë transportit të 37-vjeçarit Alban Hasanllari, fillimisht me ambulancë e më pas drejt Tiranës me helikopter.
37-vjeçari është nxjerrë nga makina me ndihmën e forcave të policisë dhe zjarrfikësve me shenja të dobëta jete dhe më pas është transportuar me ambulancë drejt helikopterit. Burimet policore në vedngjarje bëjnë me dije se paraprakisht mendohet se shkak për këtë aksident të rëndë është bërë shpejtësia me të cilën po udhëtonte 37-vjeçari si dhe lagështira në rrugë.
