Kristjan Asllani do të zyrtarizohej te Interi pak ditë më parë. Për t’i dhënë më tepër vlerë këtij afrimi, zikaltërit menduan zgjidhjen e duhur duke e lënë në të njëjtin moment kur u zyrtarizua edhe Romelu Lukaku. Sulmuesi belg shkoi më tej duke u impresionuar nga mesfushori i Shqipërisë. “Më pëlqen mentaliteti i tij. Është vetëm 20-vjeç, por flet si të ishte 27-vjeç”. Megjithatë i impresionuar dhe i habitur nuk ngeli vetëm Lukaku nga Asllani.
“Gianlucadimarzio” zbulon se thuajse të njëjtin koment e kishte edhe drejtori sportiv i Interit, Piero Ausilio. “A je vërtet kështu?”, ka qenë pyetja e drejtuar nga Ausilio te Asllani për të kuptuar nëse mesfushori shqiptar i logjikon kaq mirë gjërat që në këtë moshë apo kishte vetëm një përpjekje të sforcuar për të lënë përshtypje të mirë në ditën e parë.
