Keidi Bare do të jetë një lojtar kryesor në projektin e Rejas te Shqipëria, pasi me ekipin e Malagas është duke shkëlqyer në fushën e blertë. Në mbrëmjen e djeshme, dhuroi një tjetër paraqitje mbreslënëse, duke vrapuar pafundësisht në fushën e blertë.
Vlerësimi për këtë lojtar ka ardhur nga vetë gjigandja spanjolle,”ElDesmarque”, që e cilëson futbollistin më të mirë të Malagas, që nuk ka asnjë të metë, pavarësisht se i shkoi aq shumë pranë atij kartonit të kuq. Shifrat flasin të gjitha në favor të Bares, i cili në 74 minutat që ishte në fushë, vrapoi për 9.9 kilometra. Nuk mbaron këtu, ai dhuroi 51 pasime të sakta nga 58 për shokët e skuadrës, ndërsa edhe me pasat e gjata saktësia ishte 4/7.
Sa i përket dueleve të zhvilluara, Bare ka humbur vetëm 2 të tilla, duke fituar 5 të tjerat. Gjithashtu lojtari i Shqipërisë nuk humbi asnjë top në fushë, për t’i dhënë mundësinë kundërshtarëve që të kapnin në befasi Malagan. Thjeshtë një luan në mesin e fushës, a është normal ky njeri?