Më mirë pak por saktë, kurrë një pohim nuk ka qenë më i vërtetë se ky. Miqësia, e sinqerta, bazohet në origjinalitetin, respektin dhe përmirësimin e ndërsjellë të jetës së tjetrit. Nëse jetohet plotësisht, ajo sjell rritje dhe vlerë të shtuar në përvojat e të gjithëve ne. Më mirë t’i zgjidhni me kritere, miq të vërtetë dhe të largoni njerëzit e tjerë.
Një mik, i vërtetë, është ai që është gjithmonë gati të jetë aty për ju, për mirë ose për keq, në çdo moment të jetës. Nuk është e drejtë të ndjekësh dikë, që qëllimisht vendos të mos jetë i pranishëm në jetën e përditshme tuajën, qoftë edhe me gjeste të vogla.
Miqësia nuk mund të jetë konkurrencë: një marrëdhënie e vërtetë dhe autentike bazohet në rritjen reciproke dhe respektin. Shoku apo shoqja e vërtetë, nuk njeh asnjë zili dhe xhelozi.
Ka shumë pak njerëz që arrijnë të jetojnë miqësinë e mrekullueshme me delikatesën, vlerën dhe origjinalitetin që meritojnë. Kjo është arsyeja pse ata që gjejnë një mik, në të vërtetë gjejnë një thesar.
Duhet që të heqim nga jeta jonë njerëzit që ankohen për gjithçka nga jeta e tyre dhe që përdorin marrëdhënien e miqësisë, për të nxitur zhgënjime dhe pakënaqësi.
Njerëzit e këqij, ziliqarë, që e kanë mendjen të grinden nuk bëjnë asgjë, por sjellin negativitet në jetën tuaj. Dhe nëse është e vërtetë që miqësia është të ndash gjërat, është gjithashtu e vërtetë që nuk keni nevojë për një mik i cili ju përdor vetëm si enë për problemet e tij.
Ka disa njerëz që përpara një projekti, një ideje ose një iniciative dinë vetëm si të denigrojnë. Një mik i vërtetë mund të këshillojë dhe të bëjë kritikë konstruktive, ndërsa të tjerët priren vetëm nga zilia dhe ndjenja e prishjes së sukseseve të të tjerëve.
Një shok na mbështet gjithmonë, edhe kur bëjmë një gabim, edhe nëse humbasim. Detyra e tij është të na marrë për dore dhe të na shoqërojë, edhe kur nuk e dimë se ku po shkojmë.
Ajo që ne nuk na duhet vërtet, është një person që pretendon të na mbështesë dhe pastaj të na kritikojë kur diçka shkon keq.
Nuk ka asgjë të keqe të mendosh për veten, problemi lind kur egocentrizmi është i tillë që të bëjë atë që e përcakton veten një mik të harrojë edhe të pyesë një “si je” të thjeshtë.
Një mik i vërtetë është gjithmonë i interesuar për jetën e të tjerëve, bën pyetje dhe dëgjon. Ata që nuk respektojnë privatësinë duhet të hiqen nga jeta jonë.
